Gilauman nga mokabat sa 400 hangtod 600 ka mga partisipante ang moapil sa ika-9 nga edisyon sa ilang tinuig nga fund-raising activity nga “Pulagoy Ko’y Duma Bombero” (Run with a Firefighter) nga gipasiugdahan sa Bureau of Fire Protection (BFP) Malaybalay City karong Bulan sa Marso tuig 2026.
Sa eksklusibong pakighinabi sa Juander Radyo Malaybalay, gipadayag ni FO3 Brent Clyde Suico, Media Relations Officer sa BFP-Malaybalay, nga ang fun run nagtinguha sa pagtigom og pondo alang sa ilang outreach programs ug medical missions sa siyudad.
Dugang pa niya, ginapromote usab niini ang lokal nga turismo pinaagi sa “mixed terrain” nga ruta nga maglakip og sementado ug bukiron nga dalan sa syudad
Matud pa ni Suico, ubos kini sa inisyatiba ni City Fire Marshal CINSP Ma Anjelyn P. Pornia ug nahimo nang tradisyon matag tuig bisan pa niadtong panahon sa COVID-19 pandemic.
Alayon niini, gipahibalo sa buhatan nga abli na ilang registration ug dasig kadtong mga runners nga interesado nga mahimo nang magparehistro gikan sa sulod ug gawas sa Malaybalay.
Bisita sa buhatan sa BFP-Malaybalay o sa ilang opisyal nga Facebook page nga “Pulagoy Ko’y Duma Bombero,” aron makasuporta sa mga komunidad nga nanginahanglan sa syudad
Photo Courtesy: BFP – MALAYBALAY
