Patay ang isa ka indibidwal sa laing disgrasya sa kadalanan nga natala sa kapulisan sa Purok Malipayon, Barangay Dao, Pagadian City, mga alas 9:40 sa gabie, Pebrero 15, 2026.
Segon pa, gimaneho sa usa 24-anyos nga lalaking residente sa Dumalinao, Zamboanga del Sur ang usa ka itom nga Mitsubishi Strada karga ang duha ka pasahero gikan sa Rotonda paingon sa Integrated Bus Terminal, Bulatoc, Pagadian City.
Samtang nagbyahe usab sa kaatbang nga direksyon ang 30-anyos nga lalaki sakay sa usa ka Honda Click color gray nga motorsiklo uban ang usa ka angkas nga taga Lapuyan, Zamboanga del Sur.
Sa imbestigasyon sa kapulisan, gikaingong mi-overtake ang driver sa Mitsubishi Strada sa laing gisundan nga sakyanan hinungdan sa pagkabangga niini motorsiklo nga katagbo.
Gumikan sa maong panagbangga, nakaangkon ug grabeng kadaot sa lawas ang angkas sa motorsiklo ug sa driver hinungdan sila dali nga gidala sa balay tambalanan.
Apan gideklara sa miatiman nga doctor nga patay nang niabot sa hospital ang angkas samtang padayon pa usab nga gitambalan ang driver.
Ang driver ug pasahero sa Mitsubishi Strada luwas ra ug anaa na nakakustudiya sa Pagadian City Police lakip ang mga behikulo nga nalambigit sa panagbangga alang sa tukmang lakang.
Photo Courtesy: istock
