Gikasubo nga gipahibalo sa Bureau of Fire Protection (BFP) Malaybalay City, uban sa koordinasyon sa Local Government Unit (LGU), ang kanselado ang gipaabot nga kalihokan sa LAMAAT V2: Ligtas ang May Alam Adventure Version 2.0 karong tuiga 2026
Sumala ni FO3 Brent Clyde Suico, Media Relations Officer sa BFP Malaybalay City Fire Station, ang kalihokan orihinal nga gikatakda isip kabahin sa selebrasyon sa Charter Day ug Fire Prevention Month sa siyudad, diin gibanabanang 200 ka mga riders nga Fire Safety Advocate ang mopartisipar apan, dili kini matuman tungod sa bag-ong ordinansa sa syudad
Kini nga lakang isip tubag sa bag-ong gipatuman nga mga ordinansa sa syudad nga nagdili sa mga endurance race human sa bag-ohay lang nga mga trahedya human sa Boss Iron Man Challenge 2026, nga miresulta sa kamatayon sa usa ka rider ug daghang naangin nga kadaot, rason sa mas estrikto nga mga regulasyon aron masiguro ang kaluwasan sa publiko.
Bisan pa man, ang mga organizer nagpabilin nga malaumon bahin sa pagbalik sa LAMAAT sa umaabot nga mga tuig.
Samtang, ang mga rehistradong partisipante giawhag sa pagkontak kang FO3 Suico pinaagi sa iyang personal nga fb account, “Ban Sui Co,” o sa LAMAAT aron pagproseso sa pag-refund sa registration fees
Gisubli sa BFP ug LGU ang ilang pasalig sa pag-una sa kaluwasan sa tanan nga umaabot nga mga kalihokan samtang gisiguro nga ang mga mahiligon makapadayon sa pag-apil sa mga kalihokan nga responsable.
Photo Courtesy: BFP Malaybalay
