Gimando sa Department of the Interior and Local Government (DILG) ang hugot nga pagpatuman sa Anti-Epal policy sa tibuok nasud.
Diin dali nga ipatangtang ang mga ngalan ug mga hulagway sa mga politiko sa tanang proyekto, programa, kalihokan ug sa mga kabtangan sa gobyerno.
Ang maong direktiba alang sa tanang lokal nga pangagamhanan ug mga opisina sa DILG sa tibuok nasud, pinasikad sa memorandum nga gipagawas sa ahensya.
Gipasiugda ni Jonvic Remulla nga ang mga proyekto sa gobyerno gibayran sa katawhan ug dili angay gamiton alang sa personal nga promosyon.
Kalabot niini, giaghat ni Remulla ang publiko nga ireport ang mga ilang makita nga molapas sa maong Anti-Epal Policy.
Photo Courtesy: Balita
