Patay ang usa ka pulis kinsa giingong 1 ka tuig na lang retirado na human sa nahitabong disgrasya sa kadalanan didto sa National Highway Brgy. Inuburan, dakbayan sa Naga.
Sumala sa inisyal nga imbestigasyon, gikatahong adunay galloon ang natagak sa kalsada hinungdan nga nilikay ang ceres-bus paingon sa left lane og nibangga ngadto sa motorsiklo nga gisakyan ni Police Executive Master Sergeant Antonio Sando, kinsa sakop sa Traffic Police Group.
Sa report ni PSSG Ramil Baroman nga grabe ang kadaot sa ulo sa maong biktima tungod sa kusog nga impact sa motorsiklo nga niigo sa ceres bus, hinungdan sa hinanaling kamatayon niini. Dugang pa, gidala pa kini sa balay tambalanan apan gideklarang dead on arrival sa nag atiman nga Doktor.
Samtang, Giawhag ang publiko sa mga awtoridad nga magmatngon ug magpabiling disiplinado sa pagmaneho aron malikayan ang disgrasya.
