Gipasira sa Department of Social Welfare and Development kon DSWD ang walay lisensiyang care facility nga gipanag-iyahan sa usa vlogger nga Bench TV.
Gipasuspinde sa departamento ang operasyon sanglit usa kini ka walay lisensiyang shelter diin nasuta human sa usa ka site inspection sa Barangay Landayan, San Pedro, Laguna sayo sa buntag niadtong adlaw nga Huwebes Enero 29, 2026.
Ang operasyon gipangulohan sa Standards Bureau (SB) sa DSWD, inubanan sa City Social Welfare and Development Office (CSWDO) sa San Pedro ug sa DSWD Field Office 4A–CALABARZON.
Aron masiguro ang transparency, miuban ang mga opisyal sa barangay ug lokal nga mga awtoridad sa kapulisan sa mga opisyal sa DSWD sa pag-inspeksyon. Kinatibuk-ang 12 ka indibidwal ang nakit-an sulod sa pasilidad, lakip ang duha ka menor de edad.
Unom ka indibidwal, apil ang duha ka menor de edad, ang gibalhin ngadto sa kustodiya sa DSWD alang sa angay nga pag-atiman ug interbensyon. Gihimo sa City Health Office (CHO) sa San Pedro ang mga medikal nga assessment nga nagpunting sa vital signs, samtang ang mga social worker nagpatuman sa profiling ug case management.
Ang mga benepisyaryo giatiman sa tibuok proseso sa lisensiyadong mga social worker ug pormal nga gi-endorso ngadto sa mga mudawat nga social worker aron masiguro ang padayon nga serbisyo. Gihatagan usab sa DSWD ang BenchTV og technical assistance kabahin sa proseso ug mga kinahanglanon sa pagkuha sa Certificate of Registration and License to Operate.
Photo courtesy : Reddit
