Walay plano nga mo9salmot sa gitawag nga “Board of Peace” ni US President Donald Trump ang Croatia, sumala sa pamahayag ni Prime Minister Andrej Plenkovic niadtong Miyerkules, bisan pa wala pa niya gipadayag ang tukmang rason sa maong desisyon.
Matod ni Plenkovic, ipasabot na lamang niya sa umaabot nga mga adlaw ang hinungdan nganong midesisyon ang iyang gobyerno nga dili moapil sa inisyatibo nga gilusad sa lider sa Estados Unidos.
Sa sayo pa ning bulana, gipahibalo sa gobyerno sa Croatia nga ang nasud, isip miyembro sa European Union, gidapit sa pag-apil sa bag-ong internasyonal nga institusyon nga gitukod ni Trump.
Kahinumdoman nga gilunsad ang “Board of Peace” ni Trump atol sa World Economic Forum sa Davos, Switzerland niadtong miaging semana, diin giubanan siya sa mga lider ug opisyal gikan sa 19 ka nasud aron pirmahan ang founding charter sa maong inisyatibo.
Photo Courtesy : x.com
