Dako ang katingala sa mga netizens human sa usa ka talagsaong istorya sa siyensya ug kinabuhi ang nahitabo sa Estados Unidos, human matawo si Emma Wren Gibson niadtong 2017 gikan sa usa ka embryo nga gihimo pa niadtong 1992 pinaagi sa in vitro fertilization (IVF) ug gitago sa frozen storage sulod sa kapin duha ka dekada.
Nagpasabot kini nga ang embryo ni Emma naglungtad sulod sa labaw 24 ka tuig sa wala pa siya natawo. Sa dihang siya natawo, mas tigulang pa ang iyang embryo kaysa sa iyang inahan nga si Tina Gibson, nga natawo niadtong 1991.
Gidawat ni Tina ug sa iyang bana nga si Ben ang embryo pinaagi sa usa ka embryo donation program sa Tennessee. Human maampingong pag-defrost ug pag-implant niini, normal ang iyahang dagan sa iyang pagdala hangtod nga natawo si Emma nga himsog.
Niadtong 2020, natawo usab ang iyang biological nga igsoon nga si Molly gikan sa parehas nga batch sa mga embryo, nga nagpadayon sa talagsaong rekord sa kadugayon sa pagtipig sa embryo sa wala pa kini mahimong usa ka buhing bata.
Ang maong hitabo nahisama gikan sa science fiction nahimong tinuod nga panghitabo, nga nagpakita sa kalamboan sa medikal nga teknolohiya ug sa talagsaong paagi sa pagtukod sa pamilya nga milabay pa sa pipila ka panahon.
Photo Courtesy : CCN
