Gipahibalo sa Department of Tourism (DOT) nga ang visa-free entry para sa mga Chinese travelers sa Pilipinas makapalambo sa turismo sa nasud, ilabi na sa mga destinasyon nga naglisod pa sa pagbalik sa pre-pandemic nga numero.
Sumala ni Tourism Secretary Christina Frasco, ang DOT nagpaluyo sa liberalization sa visa policies, tungod kay ang mga kompetensya sa rehiyon nakahatag na og visa-free access sa Chinese market. Giingon niya nga lisod makabawi sa turismo kung wala ang merkado sa China, nga dako ang kontribusyon sa nasud sa wala pa ang pandemya.
Giingon usab ni Frasco nga ang visa-free travel gi-direkta sa presidente pinaagi sa Department of Foreign Affairs, ug kini makatabang sa pagpadayon sa trabaho sa mga tourism stakeholders sa Pilipinas.
Gipahibalo sa Department of Foreign Affairs nga sugod Enero 16, puwede na ang mga Chinese nationals nga mosulod sa Pilipinas para sa turismo o negosyo nga visa-free sulod sa 14 ka adlaw, apan limitado lamang sa NAIA sa Metro Manila ug MCIA sa Cebu. Ang 14-ka-adlaw nga stay dili ma-extend ug dili puwede i-convert sa lain nga Philippine visa category.
Sa datos sa DOT, ni-ranggo ang China sa ika-6 nga top tourist arrivals sa 2025 uban sa 262,144 nga Chinese tourists, nga napugos sa visa disruptions, seguridad, ug limitado nga air connectivity.
Photo Courtesy: Philippine News Agency
