Natabla na sa TNT Tropang 5G ang best-of-seven PBA Philippine Cup Finals ngadto sa 2-2 batok sa San Miguel Beermen human sa ilang kadaugan, 110-87.
Nibida sa maong daog sa TNT si Calvin Oftana kinsa nitala og 29 puntos sa dula nga gipahigayon sa Mall of Asia Arena. Niabag sab og 17 puntos si Jordan Heading samtang duna usab 13 puntos si Rey Nambatac.
Nakuha sa TNT ang ilang kinadak-ang labaw sa third quarter sa score nga 82-47. Matod ni TNT coach Chot Reyes, nahimong desidido ang iyang mga magduduwa mao nga wala nila tugoti nga makadaog pa ang Beermen.
Nakawang usab ang nahimong 18 puntos ug 16 ka rebounds ni June Mar Fajardo samtang duna’y 13 puntos si Don Trollano.
Photo courtesy:Thechronicle.com.ph
