Nagkita si Presidente Bongbong Marcos ug ang boksing legend nga si Manny Pacquiao sa Philippine Sports Arena sa i-turn over ang memorabilia ni Pacquiao sa National Sports Museum. Lakip sa gi-trun over ang iyahang shorts nga gisul-ob ni Pacquiao sa iyang 2009 nga dula kontra Miguel Cotto ug 2010 nga dula kontra kang Antonio Margarito, pati na usab ang World Boxing Council belt. Naa usab sa maong seremonya si First Lady Liza Araneta Marcos ug mga opisyal sa Philippine Sports Commission.
Gidayeg ni Presidente Marcos ang karera ni Pacquiao ug ang iyang pagka-humble Pilipino bisan pa sa tanang pasidungog nga nadawat gikan sa mga international stage. Segon niini nga si Pacquiao usa ka “champion of humanity” ug “champion sa tanang kasingkasing sa mga Pilipino.”
Gipasigarbo usab ni Pacquiao ang iyang plano alang sa mga kabatan-onan sa grassroots boxing aron matabangan sila nga molambo ug mamahimong andam sa kompetisyon sa umaabot nga mga panahon. Dugang niya nga kinahanglan ang determinasyon, focus, ug inspirasyon gikan sa pamilya aron makab-ot ang lig-on nga karera sa boksing.
Kalabot niini, gipahibalo sa PSC ang plano sa pagtukod og regional training centers, lakip na sa General Santos ug Bukidnon, aron mapalambo ang grassroots boxing program. Misugot usab si Pacquiao nga personal nga motudlo ug mo-mentor sa mga batan-ong atleta sa lain-laing rehiyon ug siyudad aron matabangan sila ug mahatagan og inspirasyon sa ilang sports career.
Photo Courtesy:RTVM
