Midominar ang Sugboanong duo nga sila Andrew Kim Remolino ug Matthew Justine Hermosa sa men’s elite division sa National Age Group Triathlon (NAGT) nga gipahigayon sa Subic Bay Freeport Zone.
Mikab-ot sa una ug ikaduhang puwesto ang duha ka 33rd Southeast Asian Games (SEAG) gold medalists sa opening leg sa nga National Age Group Triathlon.
Si Remolino mitapos sa lumba sulod sa 56 minutos ug 17 segundos sa triathlon nga naglangkob og 750-meter swim, 18-kilometer bike ride, ug 5-kilometer run. Gisundan siya ni Hermosa nga mitapos sa 56:21.
Si Dayshaun Karl Ramos misunod sa ikatulong puwesto sa men’s elite division sa oras nga 56:44.
Sa women’s elite category, nakadaog si Dhana Victoria Seda-Lomboy sa oras nga 1:07:49, samtang si Lady Samantha Jhunace Corpuz mitapos ikaduha sa 1:08:42.
Sa junior elite division, nanguna sila Darell Johnson Bada ug Anisha Eunice Caluya sa boys’ ug girls’ categories, matag usa. Gisundan sila nila Euan Arrow Ramos ug Peter Sacho Del Rosario sa boys’ division, samtang si Cebuana prospect Christy Ann Perez mitapos ikaduha ug si Aira Danara Gregorio ikatulo sa girls’ category.
