Nagpakitang gilas si Ronald Oranza sa Men’s Elite category sa Criterium ng PhilCycling National Championships for Road 2026 nga gihimo sa Tagaytay City.
Gibandera usab sa mga national athletes nga sila Jude Gabriel Francisco ug Filipino-American nga si Mary Joyce Monton ang Criterium races, diin nanguna si Francisco sa Men Under-23 samtang si Monton gikan sa Los Angeles, nangibabaw sa Women Elite category.
Gikumpleto ang Men’s Elite podium ni Edson Corbadora ug Ronnilan Quita, samtang sa Under-23 race, nanguna si Marvin Mandac ug Mark Alex Baruelo sa 1-2 nga posisyon.
Gipildi ni Monton ang mga national team mainstays nga sila Maritoni Krog ug Phoebe Salazar sa Women Elite category sa event nga gi-organisa sa PhilCycling sa pagpanguna ni Philippine Olympic Committee president Abraham “Bambol” Tolentino, ug suportado sa Tagaytay City Mayor Brent Tolentino ug Tagaytay CT Velodrome.
Sa Women’s Under-23, nanguna si Rayven Joy Valdez, gisundan ni Althea Campana ug Angeline Elvira, samtang sa Junior races, ning daog ang mga sila CJ Cabreros, Kylle Flores, ug Piolo Calimlim, sa men’s category, ug sa women’s category, nangibabaw si Maria Louisse Criselle Alejado, gisundan ni Althea Nicole Coronado ug Eloiza Pajarito.
Ang uban pang mananaog sa Youth categories mao sila Mark Terrence Orcino, Ren Axcel Pecson, ug Johnzoe Canasa sa Men 12-13; Allaeza Mae Gulmatico, Alessandra Nicole Paras, ug Princess Jaydee Pancho sa Women 14-15; ug Jannshen Sta. Juana, Jyohan Toledo, ug Louie Jerome Murillo sa Men 14-15.
Nakatakdang sugdan ang Individual Time Trial ug Individual Road Race events, nga magpadayon hangtod Biyernes.
Photo Courtesy: Tempo
