Opisyal nang giabrihan sa Bureau of Jail Management and Penology (BJMP)–Mandaue ang Sinulog Basketball Cup, usa ka sports activity nga tumong sa pagpalig-on sa panaghiusa, disiplina, ug rehabilitasyon sulod sa pasilidad sa prisohan.
Gitambongan ang opening ceremony sa mga Guests of Honor lakip ang PBA ug MPBL player Joseph Ronald “JR” Quiñahan, City Councilor Hon. Fritz A. Villamor, JSINSP Ma. Roselle C. Paracale, Acting Warden sa Mandaue City Jail Female Dormitory, ug Coach Flydman Flint Zanoria.
Gipangulohan ni JSUPT Jessie James C. Gingoyon, City Jail Warden ang kalihokan sa pakigtambayayong kang Mayor Thadeo Jovito “Jonkie” Ouano, Congresswoman Emmarie “Lolypop” Ouano-Dizon, ug sa Sunsport, nga mitabang sa kalampusan sa maong torneyo.
Aktibong miapil ang BJMP Mandaue Male ug Female Dormitory personnel, University of Cebu–Main Campus Criminology interns, ug ang Persons Deprived of Liberty (PDL).
Gipasiugda sa Sinulog Basketball Cup ang camaraderie, teamwork, ug physical fitness, samtang nagpalig-on sa humane custody ug rehabilitasyon pinaagi sa sports, subay sa programa ug mandato sa BJMP.
