Gipahayag sa usa ka buta nga photographer nga nagkuhaan niya og mga hulagway ang usa ka pintor nga naggamit sa iyang baba ug tiil sa pagpinta, diin gipanghinaot nga ang “stereotypical” o karaan nga pagtan-aw sa katilingban sa mga tawo nga adunay disability.
Si Ian Treherne, 46-anyos, nga nailhan isip “The Blind Photographer,” natawo nga adunay RP Type 2 Usher Syndrome. Kini usa ka kondisyon nga hinungdan sa pagkabuta ug pagkabungol, diin 5% na lang sa iyang panan-aw ang nahibilin (susama sa pagtan-aw sa gamayng bangag).
Gihimo niyang inspirasyon ang iyang kakulangan aron makamugna og mga hulagway. Espesyalista siya sa black-and-white photography diin gigamit niya ang dula sa kahayag ug kangitngit sa pagkuha sa iyang mga subject.
Ang iyang serye sa mga hulagway nga giulohan og “SHADOWS & SUBSTANCE: The Mouth and Foot Painting Artists Through ‘The Blind Photographer’s’ Lens,” nagpakita sa mga artist sulod sa ilang mga studio samtang naggamit sa ilang mga baba o tiil sa pagmugna og mga obra maestra.
Photo Courtesy: MensXP
