Opisyal nang gisugdan ang Barangay Musikahan 2026 sa syudad sa Tagum, pinaagi sa usa ka gabie nga puno sa kahugyaw ug kasadya sa Brgy. Balamban Gym, Tagum City, gabie sa Enero 28, 2026, isip unang hugna sa maong festival.
Napuno sa enerhiya samtang gipakita sa mga kabatan-onan ang nagkalain-laing talento sa musika ug pag-arte, diin personal nga gitambungan ni Tagum City Tourism Arts, Culture and Heritage Management Office (TCTACHMO) Chairperson Alma L. Uy kinsa nagpadayag sa iyang kalipay sa nakitang potensyal sa kabatan-onan sa performing arts, mga kabatan-onan nga gitawag niya nga mahimong mga legasiya sa barangay ug sa tibuok dakbayan.
Giawhag sa lokal nga panggamhanan sa syudad sa Tagum nga atangan ang mas daghang mga surprisa sa Musika ug Talento sa Barangay Musikahan 2026 sa 23 ka barangay, samtang magsaulog ang Tagumenyo alang sa Musikahan Festival 2026.
Photo Courtesy : City Government of Tagum
