Patay ang duha ka Minero samtang usa ang angol nga pabilin nga nagpaalim sa balay tambalanan, human kini na trap sulod sa usa ka small-scale mining tunnel sa may Purok 4, Barangay Anomar, Surigao City, niadtong nakalabay nga adlaw.
Dali nga gilusad ang search and retrieval operation sa pagpanguna ni Mr. Threlcie Villaces, sa Surigao City Disaster Risk Reduction and Management Office (CDRRMO) nakadawat sila sa tawag kalabot sa nahitabo didto usab dayon ang mga personahe sa Surigao City Police Office, Bureau of Fire Protection, Philippine Coast Guard, ug Philippine Army sa nahitabong insidente sa Sitio Periko, Barangay Anomar sa dakbayan.
Sumala ni City Fire Marshal Senior Inspector Eduardo Quinto, gipadala dayon niya ang mga personnel sa BFP aron motabang ug magpatigayon sa rescue operation.
Segon sa opisyal nga susama sa Poste ang gilawmon nga bangag sa nasangpit nga mining tunnel diin didto nakuha usab ang patay’ng lawas sa mga biktima nga sila Gernando Paymalan Sr. ug Charlito Tañania.
Samtang naluwas ug nadala sa ospital si Mr Vic Manuel Dela Torre. Sa kasamtangan nag padayon pa ang imbestigasyon sa mga awtoridad aron mahibaw-an ang tinuod na hinungdan sa insidente.
