Gibitay sa China ang 11 ka miyembro sa pamilyang Ming, usa ka notorious mafia clan nga giingong nagpadagan sa usa ka multibilyon dolyares nga industriya sa scam sa Myanmar.
Gisentensiyahan sila og kamatayon sa korte sa probinsya sa Zhejiang niadtong Septyembre human mapamatud-i nga sad-an sa lain-laing mga krimen, lakip ang homicide, ilegal nga detensyon, pagpanglimbong, ug pagpadagan sa ilegal nga mga gambling dens.
Ang pamilyang Ming usa sa usa ka gamhanang clan nga dugay nang nagkontrol sa lungsod sa Laukkaing sa Myanmar, nga nailhan nga usa ka sentro sa mga casino, online scam operations, ug sex trade.
Ang mga awtoridad nag-ingon nga ang lugar gigamit isip base alang sa usa ka dako nga scam nga nag-target sa mga biktima gikan sa lainlaing mga nasud.
Ang ilang operasyon nahugno niadtong 2023 sa dihang ang mga miyembro sa clan gidakop ug gitugyan sa China sa mga lokal nga armadong milisya nga nagkontrol sa Laukkaing taliwala sa nagpadayon nga sibil nga gubat sa Myanmar.
Ang pagpatay sa mga miyembro sa pamilyang Ming giisip nga usa ka kusgan nga lakang sa China aron magpadala usa ka mensahe sa pagpugong batok sa mga sindikato nga nalambigit sa mga online scam ug transnational crimes.
Photo Courtesy: GUARDIAN
