Mikunhod sa 3.9 porsyento ang pagtubo sa ekonomiya sa Pilipinas sa ikatulong kwarter, gikan sa unang gi-report nga 4 porsyento, sumala sa Philippine Statistics Authority (PSA).
Matod sa PSA, mas hinay ang gross domestic product (GDP) growth sa ikatulong kwarter tungod sa mga rebisyon sa daghang sektor sa ekonomiya. Bisan pa niini, nagpabilin kini nga pinakahinay nga GDP growth sa sulod sa upat ka tuig.
Ang pinakadakong downward revision nakita sa electricity, steam, water, ug waste management sector, nga girebisa ngadto sa 0.6 porsyento nga kontraksiyon gikan sa unang gi-report nga 0.6 porsyento nga pagtubo.
Girebisa usab paubos ang real estate ug ownership of dwellings, nga misaka na lang og 4 porsyento gikan sa una nga 4.7 porsyento.
Samtang, ang pagtubo sa accommodation ug food service activities gipaubos ngadto sa 4.8 porsyento gikan sa unang estimate nga 5.7 porsyento.
Ang rebisyon sa PSA gipagawas usa ka adlaw sa wala pa ang opisyal nga pagpagawas sa datos sa fourth-quarter GDP sa Enero 29.
Sa laing bahin, gilauman sa economic team sa administrasyon ni Pangulong Ferdinand Marcos Jr. nga ang full-year GDP growth sa 2025 mosettle tali sa 4.7 hangtod 4.8 porsyento.
Photo Courtesy: GetYourGuide
