Malipayon og kumpiyansa nga mitubag si Kapuso singer-actress Rita Daniela sa isyu sa ilang age gap sa iyang bag-ong uyab nga si Mclaude Guadaña, star player sa Lyceum of the Philippines University (LPU).
Matod ni Rita, para sa uban dako ang kalainan sa ilang edad, apan para sa uban, dili kini isyu.
Gipahayag usab ni Rita nga bisan mas bata si Mclaude sa iyang mga naunang nakarelasyon, kini ang iyang giisip nga pinakamature nga relasyon nga iyang nasulayan.
Halata sa mga interbyu ug sa iyang mga gipost sa social media nga malipayon kaayo si Rita Daniela sa iyang love life, ug daw nakit-an na niya ang iyang gitawag nga “the one” sa katauhan ni Mclaude Guadaña.
Bisan adunay mga netizens nga naghisgot sa ilang six-year age gap, gipakita ni Rita nga dili ang edad ang basihan sa usa ka relasyon, kundili ang pagkamatinud-anon, respeto, ug emosyonal nga pagkahamtong sa duha ka partido.
Photo courtesy: Rita Daniela/ Facebook
