Gilauman nga mo ubos ang presyo sa galunggong sa mga merkado sa bulan sa Pebrero 2026, kini ang gi-kataho sa Bureau of Fisheries and Aquatic Resources (BFAR). Kini tungod sa pagtapos sa tulo ka bulan nga closed season sa pangisda sa Palawan niadtong Enero 31, 2026.
Gipatuman ang closed season aron mahatagan ug panahon ang mga isda sa pagpadaghan ug pagmintinar sa balanse nga marine ecology. Sa pagkakaron, ang presyo sa galunggong anaa sa Php180 ug Php220 matag kilo sa Metro Manila.
Gipaabot sa BFAR nga mous-os kini og Php20 ngadto sa Php40 matag kilo sa Pebrero. Matod ni BFAR Spokesperson Nazario Briguera, mosaka ang supply sa galunggong sa mga merkado sa umaabot nga mga semana.
Ang Galunggong gikonsiderar nga labing sikat tungod kay kini barato ug kanunay nga putahe sa mga pamilyang Pilipino.
