Nakaapekto na sa kapin 260,000 ka indibidwal o 78,875 ka pamilya sa mga rehiyon sa Bicol ug Caraga ang bagyong Ada (international name: Nokaen), ang unang bagyo nga nisulod sa nasud karong tuiga, sumala sa National Disaster Risk Reduction and Management Council (NDRRMC) niadtong Lunes.
Sa pinakabag-ong update sa ahensya, gipahibalo nga ang mga apektadong pamilya naggikan sa 398 ka barangay sa duha ka rehiyon.
Sa kasamtangan, 5,533 ka pamilya ang nagdangop ug gipasilong sa 273 ka evacuation centers, samtang 4,582 ka pamilya ang gihatagan og tabang bisan wala sa evacuation centers.
Samtang, gitaho ang duha ang patay ug duha ang nasamdan sa Bicol Region pan ginavalidate pa sa NDRRMC.
Naitala usab ang ahensya og 9,142 ka pasahero nga nagpabiling stranded, kauban ang 3,240 ka rolling cargoes, 17 ka barko, ug pito ka motor banca sa lima ka rehiyon tungod sa epekto sa bagyo.
Sa alas 5 sa buntag nga bulletin sa Philippine Atmospheric, Geophysical and Astronomical Services Administration (PAGASA), gipahibalo nga nihuyang na ug nahimong tropical depression ang Bagyong Ada.
Photo Courtesy:PNA
