Nagkahiusa ang Japan ug ang Association of Southeast Asian Nations (ASEAN) sa pagpalambo sa artificial intelligence (AI) ug sa pag-andam sa mga balaod ug palisiya nga may kalabotan niini.
Gipaloob ang AI-sector cooperation sa usa ka joint statement nga gisagop sa miting sa digital ministers sa Japan ug mga miyembro sa ASEAN sa Hanoi. Nagtinguha ang Japan ug ASEAN nga molihok sa AI sector samtang nagpalig-on ang Estados Unidos ug China sa teknolohiya.
Gilangkuban sa joint statement ang kooperasyon sa pagpalambo sa AI infrastructure, pag-andam sa security measures, ug pagpalig-on sa human resources. Ang inisyatiba kabahin sa mas lapad nga plano nga gisugdan sa Japan-ASEAN summit sa Kuala Lumpur niadtong Oktubre sa tuig 2025, nga nagtinguha sa joint research sa semiconductors ug AI.
Mipirma usab ang Japan og memorandum of understanding uban sa Cambodia alang sa development sa usa ka large language model gamit ang Khmer language. Mipahigayon ang Japan og bilateral meeting uban sa Vietnam isip kabahin sa pagpalig-on sa digital ug teknolohikal nga kooperasyon sa rehiyon.
Photo Courtesy: PNA
