Posibleng nakagawas na sa nasod si businessman Atong Ang, nga adunay arrest warrant sa kaso sa kidnapping with homicide sa mga sabungero, sumala sa whistleblower nga si Julie “Dondon” Patidongan.
Sumala ni Patidongan, dili mosurender si Ang sa awtoridad ug adunay internasyonal nga grupo nga kauban niya. Base sa obserbasyon o impormasyon sa whistleblower, tingali si Atong Ang nakabiya na sa Pilipinas sukad pa sa Disyembre.
Mi-issue ang Regional Trial Court sa Sta. Cruz, Laguna og arrest warrant batok kang Ang ug sa 17 ka uban pang indibidwal tungod sa kidnapping with homicide, nga dili pwede bayaran ang piyansa. Sa court records, nakit-an nga adunay probable cause sa pag-aresto sa mga akusado, nga ang addresses naglakip sa Muntinlupa, Laguna, ug Batangas.
Sa pagkakaron, 17 sa 18 ka akusado naa na sa kustodiya sa PNP-CIDG. Laing warrant of arrest ang gi-issue sa Lipa, Batangas, batok kang Ang ug sa uban pa. Gipangayo sa PNP-CIDG ang pag-isyu sa Interpol red notice batok kang Ang.
Bisan pa niana, nag-ingon ang Department of Justice nga base sa available records, naa pa si Ang sa Pilipinas.
Sumala ni Patidongan, kon naa pa siya sa nasod, posibleng nagtago siya sa usa sa iyang mga exclusive nga properties o sa mga tawo nga iyang gisaligan.
Gipahibalo ang Php10 milyon nga reward alang sa impormasyon nga magdala sa pag-aresto kang Ang. Giingon sa Malacañang nga walay espesyal nga trato alang kang Ang.
Photo Courtesy:PEP.PH
