Naospital ang 76-anyos nga si Mommy Dionisia Pacquiao, inahan sa boxing icon nga si Manny Pacquiao, human giingong naigo sa pulmonya.
Sumala sa Facebook post ni Isidra Pacquiao, igsoon ni Manny, personal nga giduaw sa magtiayong Manny ug Jinkee Pacquiao ang ilang inahan sa ospital. Gidala pa nila ang paboritong mga pagkaon ni Mommy Dionisia aron malipayon siya samtang nagpaayo.
Giingon sa post nga una matod pa nakasinati og diarrhea si Mommy D human makainom og bugnaw kaayo nga strawberry shake, ug sunod nakasimhot og aso sa sigarilyo, hinungdan nga ila kining gidala sa balay tambalanan.
Bisan pa sa iyang kahimtang, giingon nga malipayon si Mommy Dionisia sa pagbisita sa iyang anak ug umagad.
Sa miaging tuig, gipahibalo usab ni Mommy Dionisia nga andam na silang magpakasal sa iyang 48-anyos nga long-time partner nga si Michael Yamson, ug nakapalit na usab sila og wedding ring.
Photo Courtesy: Philippine Entertainment Portal
