Sa Netherlands, nhulog nga “single ulit” ang magtiayon human ideklarar sa korte nga wala sila makasal, bisan pa sa dako nga handa ug mga saksi niini.
Sumala sa District Court of Overijssel, invalid ang kasal nga gihimo niadtong Abril sa syudad sa Zwolle, tungod kay kulang sa saktong pulong ang wedding vows—ug hinimo sa ChatGPT ang gibasa.
Imbis nga pormal nga pangutana nga “Dawaton ba nimo siya isip imong bana o asawa?”, mas romantic nga bersyon ang gibasa. Sa kasukwahi, gipangutana ang lalaki kung andam ba siyang “mokatawa, motubo, ug mohigugma hangtod sa hangtod.” Samtang ang babaye usab gipangutana kung andam ba siyang “ maglagot, magholding hands, ug magtinabangay bisan lisod ang kinabuhi.”
Apan matod sa balaod sa Dutch Civil Code, dili romantic ang balaod. Kinahanglan klaro gyud nga ideklarar sa duha nga gidawat nila ang usag usa isip bana ug asawa, ug wala kini naapil sa AI-generated speech.
Tungod niini, giingnan sa munisipyo ang piskalya ug girekomenda nga tangtangon ang marriage certificate, kay illegal ang kasal. Misulay paghangyo ang magtiayon nga ila na lang i-recognize ang petsa sa kasal tungod sa sentimental nga rason, apan gi-deny gihapon sa korte.
Busa, pahimangnoan ang tanang magpakasal: pwede ra magamit ang AI sa love letters pero sa kasal, mas maayo gyud sundon ang balaod kaysa algorithm.
Photo courtesy: Nuptials.ph
