Padayon nga nanawagan ang City Environment and Natural Resources Office (CENRO)–Iligan ngadto sa katawhan nga magpakita og disiplina sa hustong pagsegregate ug paghipos sa basura, ug likayan ang paglabay niini sa mga kanal.
Sumala sa buhatan, ang dili husto nga pagdumala sa basura maoy usa sa mga nag-unang hinungdan sa pagbaha ug sa pagdulong sa mga hugaw o basura padulong sa kadagatan, nga makadaot sa kinaiyahan ug panginabuhian sa katawhan.
Matod ni Environmental Planner Virgilio Encabo, Head sa ICENRO, nga dako ang responsibilidad sa matag-indibidwal sa pag-atiman sa palibot. Iyang gipasiugda nga ang saktong paghipos sa basura, ilabina ang pagdaot sa kadagatan, dili lamang makadaot sa kinaiyahan kundili mobalik usab sa tawo pinaagi sa porma sa sakit og mga kalamidad.
Gipahinumdum usab ni Encabo nga ang mga molapas sa balaod, ilabina ang paglabay sa basura ug paggamit sa single-use plastic, mahimong manubag ubos sa City Ordinance No. 11-5763, series of 2011.
Ang maong mga basura, sumala pa niya, makabara sa mga agi-anan sa tubig nga direktang hinungdan sa pagbaha, ilabi na sa panahon sa kusog nga pag-ulan.
