Gikumpirma sa kagamhanan sa Japan ang ilang pakigbisog uban sa nagkadaiyang nasod aron batokan ang nagkagrabe nga problema sa plastic pollution gamit ang siyensya ug teknolohiya.
Sumala ni Ambassador Endo Kazuya, “Ang Japan nagsuporta sa paghatag og mga kahimanan ug pagpalambo sa human resource alang sa marine environmental monitoring nga may kalabutan sa plastic pollution.”
Dugang niya, importante ang pagpakatap sa mga teknolohiya sa pag-monitor sa kadagatan ug recycling aron epektibong mabantayan ang plastic sa dagat ug masuportahan ang posibleng umaabot nga kasabutan (treaty).
Gihisgotan usab sa Japan ang papel sa nuclear science sa pagtubag sa mga hagit sa kalibutan, lakip ang plastic pollution, pinaagi sa mas tukma nga datos ug pagpaayo sa mga sistema sa pag-recycle ug paggamit pag-usab (reuse).
Matod ni Endo, gikinahanglan ang usa ka “lig-on nga internasyonal nga gambalay pinaagi sa tibuok kalibutan nga kooperasyon.”
Sumala sa World Bank, ang Pilipinas ang ikatulo nga kinadak-ang tig-amot sa plastic pollution sa kalibutan, diin gibanabana nga adunay 0.75 milyong metric tons sa mismanaged plastic matag tuig.
Sumala usab sa BAN Toxics, ang nasod usa ka net importer sa mga plastic, nga adunay 1.98 milyong tonelada sa plastic nga materyales ug mga produkto niadtong 2021.
Sa miaging tuig, gipasigarbo ni Presidente Marcos ang paggamit sa nuclear science sa pag-convert sa mga basura nga plastic ngadto sa lig-on ug komersyal nga mga materyales sa konstruksyon.
Photo courtesy: The Guardian
