Walay gihimong kausaban ang Securities and Exchange Commission (SEC) sa diskuwento nga gihatag sa matag transaksyon sa mga micro, small and medium enterprises (MSMEs).
Sumala sa SEC, kabahin kini sa ilang pagsuporta sa paglambo sa mga gagmayng negosyo sa nasod.
Nahisgotan sa memorandum circular nga gipagawas pa sa miaging tuig nga mohatag ang SEC og mga diskuwento sa filing fees sa mga MSME.
Ang matag MSME nga magparehistro isip korporasyon hatagan og 20 porsyento (20%) nga diskuwento sa registration fee. Kini unta molungtad hangtod sa katapusan sa 2025, apan gipataas pa ang lugway hangtod sa Marso 31, 2026.
Photo courtesy: Securities and Exchange Commission Philippines/ Facebook
