Gibasura sa Malacañang niadtong Domingo, ang giingong plano sa pagpasaka og impeachment complaint batok kang Presidente Ferdinand “Bongbong” Marcos Jr., nga gitawag kini nga usa ka yano nga “political maniobra.”
Sumala ni Palace Press Officer Claire Castro, ang Presidente nagpabilin nga komitado sa pagpanguna ug paghatag og mga resulta para sa katawhang Pilipino bisan pa sa mga pahayag sa pipila ka mga magbabalaod.
Ang reaksyon sa Palasyo naggikan sa pahayag ni House Senior Deputy Minority Leader ug Caloocan 2nd District Rep. Edgar Erice nga ang Presidente posibleng mag-atubang og impeachment complaint tungod sa giingong pagbudhi sa pagsalig sa publiko.
Sumala ni Erice, adunay mga grupo nga miduol kaniya aron mangayo og pag-endorso sa impeachment batok kang Marcos, nga iyang giingon nga pulos mga grupo nga nagsuporta kang Bise Presidente Sara Duterte.
Dugang pa sa magbabalaod nga adunay daghang uban pang mga kongresista nga nagtuo nga adunay basehan alang sa posible nga impeachment, kalabot sa giingong ₱1.45 trilyon nga mga insertion, diversions, ug amendments sa nasudnong badyet nga giingong napunta sa mga kwestyonableng proyekto.
Samtang, daghang mga lider sa House gikan sa mayoriya ug minoriya nga bahin ang nanghingusog nga ang bisan unsang lakang padulong sa impeachment kinahanglan nga ibase sa klaro ug lig-on nga ebidensya.
Photo Courtesy: PNA
