Gibutyag ni Caloocan 2nd District Rep. Edgar Erice nga posibleng pasakaan og impeachment complaint si Pangulong Ferdinand Marcos Jr.
Matod ni Erice, aduna siyay nakuha nga impormasyon nga pipila ka mga Kongresista ang magpasaka og impeachment complaint batok sa Pangulo karong Pebrero, sa pagbalik sa sesyon sa Ubos Balay-Balaoranan (Kamara).
Gipahayag ni Erice nga dili lang si Vice President Sara Duterte ang posibleng pasakaan og impeachment complaint, ilabi na nga karong umaabot nga Pebrero 6, 2026, mapupos na ang “one-year bar rule” (ang balaod nga nagdili sa pagpasaka og sobra sa usa ka impeachment sulod sa usa ka tuig).
Sumala pa ni Erice, adunay duha ka butang nga angay atangan sa sunod bulan nga tan-aw niya mahimong “exciting.”
Apan, nagdumili si Erice sa paghingalan kon kinsa kining mga kongresista nga magpasaka sa reklamo batok kang PBBM.
Wala usab masulti ni Erice kon makakuha ba og igong gidaghanon sa boto gikan sa Kongreso ang impeachment complaint batok sa Pangulo.
Giklaro hinuon ni Erice nga dili niya i-endorso ang bisan unsa nga impeachment complaint.
Photo courtesy: PTV news
