Duha ang angol sa natigayong pagpamusil nga gikalambigitan sa mga federal agents sa Portland, Oregon kondiin usa ka lalaki ug usa ka babaye ang gidala sa ospital.
Sumala sa Department of Homeland Security (DHS), nahitabo ang insidente atol sa usa ka traffic stop human nga usa ka miyembro sa Venezuelan gang ang misulay matod pa og bangga sa mga agent gamit ang iyang sakyanan.
Nahitabo kini usa ka adlaw human sa pagpusil-patay usab sa usa ka federal agent ang usa ka babaye sa Minneapolis, nga mipa-ulbo sa mga protesta sa tibuok Estados Unidos batok sa mga operasyon sa federal law enforcement sa mga siyudad sa Amerika.
Ang pasahero sa sakyanan ug ang target nga usa ka Venezuelan, kaanib matod pa sa transnasyonal nga Tren de Aragua prostitution ring ug nalambigit sa usa ka bag-ong pagpamusil sa Portland.
Segon sa report, dihang gipa-ila sa mga agent ang ilang kaugalingon sa mga sakay sa sakyanan, gibangga sa drayber ang iyang sakyanan ug misulay pag atake sa kapulisan rason nga gipusil kini apan nakaikyas gikan sa lugar.
Dugang sa Portland Police, wala sila’y kalabotan sa pagpamusil tungod kay gitawag lamang sila human makadawat og mga report mahitungod sa insidente.
Photo Courtesy: CNN
