Wala panumbalinga ni Michael Pacquiao ang mga negatibong komento sa netizens bahin sa ilang 8-year age gap sa iyang uyab nga si MJ Gabayeron. Bisan pa man nga 23-anyos pa lang si Michael ug 31 na si MJ, gipasabot sa batan-on nga dili babag ang edad basta malipayon ug nagkahigugmaay ang duha ka tawo.
Matod ni Michael, mas importante ang ilang koneksyon kaysa sa isulti sa ubang tawo. Mapasalamaton usab siya tungod kay suportado sa iyang pamilya ang iyang relasyon, hinungdan nga wala siya maapektohi sa mga “bashers” sa social media nga nagsaway sa ilang pagkadeperensya sa edad.
Padayon nga nag-post ang duha sa ilang mga sweet nga video sa TikTok ug Instagram, isip pamatuod nga lig-on ang ilang panag-uban. Gipakita nila Michael ug MJ nga basta dunay pagsinabtanay, ang edad numero lamang ug dili kini angay nga himuong isyu sa publiko.
Photo Courtesy: MICHAEL PACQUIAO
