Gitambagan ni Dr. Rontgene Solante, usa ka eksperto sa mga makatakod nga sakit, ang publiko nga magpabakuna gamit ang 2026 influenza vaccine aron maprotektahan batok sa bag-ong agresibo nga “super flu,” usa ka mutated nga H3N2 variant.
Ang bakuna niadtong 2025 mamahimo nga adunay gamay pa nga proteksyon, apan girekomendar ang tinuig nga pagpabakuna.
Ginalauman nga moabot ang bag-ong bakuna karong Pebrero o Marso 2026, ug gipahimangnoan ang mga high-risk groups, ilabi na ang mga tigulang ug kadtong adunay comorbidities, nga magpabakuna dayon.
Gipasiatab ni Solante nga ang bakuna makapakunhod sa risgo sa grabeng sakit ug pagka-ospital, apan mamahimo gihapon nga mogawas ang mga sintomas.
Nagpahinumdom usab siya nga magpakonsulta dayon sa doktor kon adunay bation nga sintomas tungod kay ang “super flu” mamahimo gihapon nga magpahinabo og seryosong komplikasyon sama sa atake sa kasingkasing o stroke, bisan tuod dili kini ingon ka grabe sa COVID-19.
Photo courtesy: Registerednursern.com
