Gipahibalo sa Environment Ministry sa Japan nga plano nilang maghimo ug usa ka action plan karong umaabot nga Marso aron nga makunhuran ang daghang basura sa sinina nga nagagikan sa mga panimalay.
Base sa datos sa ahensya nga niadtong 2024, ang mga panimalay sa Japan mipalit ug kapin 770,000 ka tonelada nga sinina sulod sa usa ka tuig, samtang 480,000 ka tonelada niini ang gilabay isip basura. Samtang mokabat usab sa kapin 510,000 ka tonelada ang gisunog o gilabay sa mga landfill.
Tumong sa maong lakang, mao ang pagpalambo sa epektibong paggamit pag-usab sa segunda mano nga sinina ug dasigon ang mga tawo hustong produksyon ug konsumo niini. Samtang lauman nga ang maong plano maglakip sa mga lakang nga angay buhaton sa mga konsumedor, lokal nga mga gobyerno, ug mga negosyo, ilabina sa panahon nga dako ug bahin sa gigamit nga mga sinina sa panimalay ginabutang na lamang isip basura.
Kalabot niini, gibutyag sa Environment Ministry nga hinay ang paggamit pag-usab sa segunda mano nga sinina ug ang pag-recycle, kini tungod wala magtutok ang merkado sa paggamit pag-usab ug lisud matod pa ang pag-recycle tungod sa nagkalain-laing matang sa mga lanot nga gigamit sa paghimo ug sanina.
Photo Courtesy: Japan Switch
