Arestado sa mga otoridad ang usa ka indibidwal sa gipatumang Manhunt Charlie operation didto sa Purok madre de Cacao, Barangay Poblacion, Cateel, Davao Oriental pasado alas 2:50 sa hapon niadtong nakalabay nga adlaw.
Ang operasyon gihimo sa mga personahe sa Cateel Municipal Police Station, uban sa mga sakop sa CIDG DORFU, 1st DOPMFC, 1103rd RMFB 11 ug uban pang law enforcement units nga nagresulta sa pagkasikop ni alyas “TATA”, 44 -nyos, usa ka laborer, gikonsiderang Top 2 Most Wanted Person sa provincial level ug lumolopyo sa maong lugar.
Naaresto ang suspek pinaagi sa pagpatuman sa warrant of arrest alang sa kasong Rape ubos sa Art. 266-A(1) (D) nga maykalabutan sa Revised Penal Code ug R.A 8353 nga adunay Criminal Case Number 5066-2023 nga giisyu sa Presiding Judge sa Regional Trial Court, 11th Judicial Region, Branch 7, Baganga, Davao Oriental, pinetsahan niadtong Nobyembre 15, 2025 ug walay pyansang girekomendar ang korte.
Sa kasamtangan ang dinakpan gikustodiya na sa Cateel Municipal Police Station alang sa tukmang disposisyon.
Photo Courtesy: Pcr Cateel
