Giklaro sa Office of the Special Assistant to the President (OSAP) nga wala silay kalabutan sa listahan sa mga proyekto sa Department of Public Works and Highways (DPWH).
Matod ni Special Assistant to the President Antonio Lagdameo nga ang OSAP walay line-item authority ug wala usab kini papel sa implementasyon o paghimo og desisyon sa mga proyekto sa imprastraktura sa DPWH.
Dugang pa ni Lagdameo nga ang OSAP dili usa ka implementing agency ug walay teknikal nga mandato sa pagplano, pagpili, o pagprayoridad sa mga proyekto.
Gipasabot nga ang mga nikatap sa social media nga nag-link sa OSAP sa giingong mga file sa DPWH walay kamatuoran ug makapahisalaag sa publiko.
Ingon man nga gibarugan niini nga ang OSAP walay awtoridad sa internal nga proseso sa budget sa DPWH, hilabi na sa lebel sa line item.
Hinungdan nga nanawagan si Lagdameo nga tapuson na ang iresponsable ug walay basehan nga pag-link sa iyang opisina ug gikumpirma pag-usab nga ang OSAP nagpabilin nga komitado sa transparency, accountability, ug kooperasyon sa bisan unsang lehitimong imbestigasyon subay sa balaod ug due process.
Photo Courtesy: en. wikipedia.org
