Mo toothbrush sa imong ngipon aron dili naka mahago,kini ang gipaila sa mga siyentipiko sa Japan ang ilang “g.eN”, ang gitawag nga unang “oral care robot” sa kalibutan nga makalimpyo sa imong ngipon nga dili kinahanglan nga mogamit sa imong mga kamot.
Gihimo ang teknolohiya sa Waseda University Robotics Laboratory, kini nga high-tech nga aparato molihok pinaagi lang sa pagpaak sa mouthpiece, nga gagmay apan kusgan nga mga brush niini awtomatik nga molihok pataas, paubos, ug wala tuo aron limpyohan ang duha ka kilid sa ngipon sa usa lang ka minuto.
Usa ka research paper nga gisumite sa Japan Society of Healthcare Dentistry nagpamatuod nga ang g.eN epektibo, nga nagtala og plaque retention rate nga 22.4%, usa ka lebel nga nakab-ot nga criteria alang sa “maayong oral hygiene” ug mas maayo kaysa sa epektibo sa tradisyonal nga pagpanothbrush.
Ang robot motimbang og 220 grams, adunay USB Type-C charging, ug adunay upat ka operating modes sama sa “Easy,” “Careful,” “Special Care,” ug “Children” aron mohaum sa mga panginahanglan sa lainlaing mga tiggamit.
Ang produkto anaa karon sa crowdfunding stage ug milapas na sa target goal niini tungod sa init nga pagdawat sa publiko. Mapalit na kini sa presyo nga 31, 042 yen kon sa atong kwarta nga Php11,000 ka pesos.
Bisan tuod ang g.eN orihinal nga gidisenyo aron matabangan ang mga tawo nga talagsa lang mosipilyo sa ilang ngipon, kini nahimong popular usab sa publiko nga nangita og mas paspas ug mas komportable nga paagi aron malimpyohan ang ilang mga ngipon nga walay bisan unsang kahasol.
Photo Courtesy :www.waseda.jp
