Dakpan sa mga kapulisan ang usa ka lalaki kinsa nagpayuhot sa ginadiling drugang shabu pinaagi sa gilusad nga drug buy-bust operation sa Purok Madaiton, Brgy. Lingasad, lungsod sa Polanco, Zamboanga del Norte niadtong nakalabayng adlaw.
Giila ang dinakpan nga si alyas Redon, 21-anyos, ulitawo ug residente sa maong barangay. Nasakmit gikan sa dinakpan ang usa ka gamay nga pakete sa shabu nga nagsilbing buy-bust item ug ang 1,000 peso bill nga gigamit isip buy-bust money.
Dugang nasakmit gikan sa iyang posisyon ang lain pang lima ka gagmayng pakete sa shabu ug usa ka unit sa smartphone. Mokabat sa 3 gramos ang nasakmit nga druga nga nagkantidad ug Php20,000.00.
Balhog na sa selda sa Polanco Municipal police Station ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
