Giklaro sa maguwang ni Barangay Tres de Mayo Kapitan Oscar “Dodong” Bucol Jr., nga si Jay Caren Bucol, nga tinuod ug tinud-anay ang ilang gi-anunsyo nga “bring me” reward alang sa mastermind ug nagpatay sa iyang manghod.
Matod ni Jay Caren Bucol, ihatag ang Php5.5 milyones nga reward ug dugang pa ang lote o luna ngadto sa bisan kinsa nga makahatag og kasaligan nga impormasyon nga magdala sa pagdakop sa mga nagpaluyo sa krimen.
Padayon ang panawagan sa pamilyang Bucol alang sa hustisya, ug ilang gihangyo ang publiko nga motabang sa paghatag og impormasyon aron mailhan ug mapanubag ang responsable sa kamatayon sa kapitan.
Kahinumduman nga gipusil patay si Kap. Bucol samtang nag-Facebook live stream sa iyang kaugalingong panimalay niadtong Nobyembre 25, 2025.
Photo Courtesy:Jay Caren Bucol
