Gidasig sa Police Regional Office (PRO) 9 ang pamilya nga naay bisitang mobakasyon sa mga lugar sa Zamboanga Peninsula Region nga makig-coordinate sa duol nga police station aron mahatagan og seguridad ang usa ka langyaw og magiyahan sa luwas nga lugar.
Sa pakighinabi sa Juander Radyo News Team kang Police Major Shellamie Chang, Chief sa Regional Public Information Office sa PRO-9, gibutyag niini nga ang buhaton sa hintungdan mao ang makig-coordinate sa kapulisan aron mahatagan seguridad ang bisitang langyaw.
Dugang pa ni Major Chang mas maayo nga mahatagan og security monitoring ang lanyaw sa kapulisan tungod kay kun adunay dautang mahitabo niini lakip ang kinatibuk-an rehiyon ang apektado sa imahe sa seguridad.
Sa katapusan gipasalig sa PRO-9 nga walay hulga sa seguridad ilang namonitor sa rehiyon sa presensiya sa kidnapping group apan sa gihapon dili magkumpiyansa og andam silang mohatag og area security sa mga langyaw kun dunay mohangyo og moduol sa ilang buhatan.
