Depensahan ni Jackie Buntan ang iyang korona sa ONE Women’s Strawweight Kickboxing sa linya karong Pebrero batok kang Stella Hemetsberger sa Austria sa usa ka high-stakes rematch.
Ang sangka sa Buntan-Hemetsberger kabahin sa ONE Fight Night 40, nga mahitabo sa Lumpinee Stadium sa Bangkok, Thailand karong Pebrero 14.
Taposon na ni Buntan ang wala nahuman nga sangka uban sa kanhing nakalaban nga si Hemetsberger sa pangunang dula (main event).
Ang duha unang nag-abot niadtong Septyembre sa ONE Fight Night 35, diin nag-away sila sa bakanteng ONE Women’s Strawweight Muay Thai World Title sa usa ka five-round war.
Gipatumba ni Hemetsberger ang 28-anyos nga taga-California og kaduha sa unang round ug nalampasan ang mga tinguha sa pagbalik ni Buntan sa katapusang upat ka hugna aron makuha ang unanimous decision nga kadaogan.
Ang daog ang naghimo kang Hemetsberger nga labing unang ONE world champion sa Austria, samtang napakyas ang tinguha ni Buntan nga mahimong ikatulo pa lang nga babaye nga nakakuha og mga titulo sa kickboxing ug Muay Thai.
Karon, ang pambato sa Boxing Works nakakuha na og higayon para sa panimalos, ug determinado nga panalipdan ang iyang korona sa kickboxing gikan sa babaye nga temporaryong nibalda sa iyang damgo nga mahimong two-sport champion.
Photo courtesy: ONE Championship
