Gikatakdang pirmahan ni Presidente Ferdinand Marcos Jr. sa unang semana sa Enero ang 2026 national budget.
Gikumpirma kini ni Executive Secretary Ralph Recto ang pagpirma sa Presidente sa Php6.793-trillion nga budget alang sa tuig 2026.
Tungod niini nga lakang, makasinati ang nasud og re-enacted budget sulod sa pipila ka adlaw. Ubos niini, gimandoan ang gobyerno nga gamiton una ang katapusang naaprobahan nga national budget hangtod nga mapirmahan ug mahimong balaod ang bag-ong spending bill.
Mahinumduman nga gipahayag sa Kongreso nga target nila nga ratipikahan ang 2026 spending plan sa Disyembre 29, o duha ka adlaw sa dili pa hingpit nga matapos ang kasamtangang budget.
Photo courtesy: Bongbong Marcos/ Facebook
