Giaprobahan sa House Committee on Senior Citizens ang substitute bill nga nagtumong sa paghatag og ₱1,000 nga binulang pensyon sa tanang senior citizens, lakip na kadtong nakadawat na og pensyon gikan sa Social Security System (SSS) ug Government Service Insurance System (GSIS).
Sumala kang Marikina Rep. Miro Quimbo, kinsa usa sa mga nagsulat sa balaod, nga tumong sa maong bill nga masulbad ang kakulang sa pagpatuman sa kasamtangang social pension system, nga matod pa niya, nagresulta sa diskriminasyon batok sa mga SSS ug GSIS pensioner.
Ilalom sa giaprobahang substitute bill, tanang senior citizens adunay katungod nga makadawat og dili moubos sa ₱1,000 matag bulan, bisan pa og nakadawat na sila og pensyon gikan sa ubang ahensiya.
Mahimo usab repasuhon ang kantidad sa pensyon matag duha ka tuig human sa konsultasyon sa DSWD ug DBM.
Photo courtesy to : Pilipino Mirror
