9 PATAY;10 ANGOL SA NAHITABONG PAGPAMUSIL SA SOUTH AFRICA

Siyam ka mga individual ang gikaingong patay, samtang napulo pa ang samaran, human sa nahitabong pagpamusil sa wala pa mailang mamumuno sa  usa  ka BAR gawas mismo sa sa Johannesburg, Bekkersdal, South Africa.

Sa initial nga imbestigasyon sa Police ang mga mamumuno sakay sa duha ka sakyanan og sa dihang mihunong sa lugar gipaarakan ang nasangpit nga establisemento, ayha miikyas sa wala masayring dereksyon.

Lakip sa namatay ang driver gikan sa Online Car-Hailing Service nga anaa sa gawas sumala sa pamahayag ni provincial police commissioner Major General Fred Kekana.

Dugang pa ni Major General Fred Kekana, padayon ang gihimong hot pursuit operation aron madakpan ang responsable sa krimen.

Ang pagpamusil sa nasangpit nga lugar sumala pa common na kini tungod sa mga bayolenteng gang, og competition tali na sa informal businesses, kinsa naka contribute sa pinakataas nga  murder rates sa nasud.

Sumala sa mga police officials sa Nasud, mikabat sa 63 percent ang average sa mga napatay nga mga tawo matag adlaw  sa miaging bulan sa abril og sa bulan sa setyembre, kon asa kasagaran niini nahitabo tungod sa panaglalis, kawat, og  ang pagkabayolente sa mga Gang.

Photo Courtesy: Agence France Presse(AFP)