Gisaulog pag-usab sa tibuok Barangay Aglayan sa Dakbayan sa Malaybalay ang 2nd Binaki Festival nga nga giusgdan niaging Disyembre 21 hangtod 23, 2025, kansang tinuig nga selebrasyon nagtumong sa pagpasidungog sa ilang bantogan nga binaki—usa ka lamiang kakanin nga hinimo gikan sa mais nga nahimong simbolo sa panginabuhian ug kultura sa mga lumulupyo sa maong lugar kaniadto.
Gibutyag ni Kagawad JB Candilasa sa eksklusibong pakighinabi sa Junader Radyo Malaybalay, nga puno sa nagkalain-laing kalihokan ang maong selebrasyon kagahapon gibalihan kini pinaagi sa Holy Mass ug ang iladong Binaki Trail Run sa sayong kabuntagon. Gisundan kini sa pormal nga Opening Program, kauban ang pagsugod sa mga torneyo sa Pickleball ug Billiards, ug uban pa samtang sa Disyembre 22 ang kompetisyon sa kahanas sa Dart Tournament ug ang kulbahinam nga Championship sa Basketball League
Dugang pa, gipahibalo sa ikatulo ug katapusang adlaw, ugma Disyembre 23, mao ang pinakasentro sa selebrasyon diin ipasundayag ang garbo sa kultura pinaagi sa Street Dancing Competition ug Ground Presentation sa buntag, nga paga-partisipahan sa mga kabatan-onan nga magrepresentar sa lima (5) ka contingent gikan sa 15 ka purok sa barangay.
Alang sa kasayuran ang“Binaki Festival” nga dili lamang alang sa kalingawan, kondili usa usab kini ka pamaagi sa pagpasalamat ug pagpadayon nga preserbasyon sa binaki, usa ka pagkaon nga unang namugna sa barangay ug nahimong hinungdan sa panaghiusa sa komunidad.
