Gipili ni Pope Leo XIV si Ronald Hicks, 58-anyos nga bishop gikan sa Chicago, aron mopuli kang Cardinal Timothy Dolan sa New York Archdiocese, usa ka dako nga pagbag-o sa Katolikong Simbahan sa US.
Naila si Hicks sa iyang suporta sa mga migrante, samtang si Dolan ilado nga duol sa politika ni Presidente Donald Trump.
Sa iyang unang Misa sa St. Patrick’s Cathedral, giingon ni Hicks nga siya usa ka “unworthy servant” ug nagpasalamat sa staff sa archdiocese. Iya usab gisulti kini sa Espanyol, tungod kay daghan sa mga New Yorkers ang naggamit niini. Iya’ng opisyal nga pag-instalar naka-iskedyul sa Pebrero 6.
Gipakita ni Hicks ang iyang solidarity sa mga migrante, sumala sa pahayag sa US Conference of Catholic Bishops nga kritikal sa “zero-tolerance” policy sa administrasyon ni Trump. Miingon siya nga ang pahayag nag-awhag sa makiangayon nga reporma sa immigration.
Gidala ni Cardinal Timothy Dolan, ang outgoing Archbishop sa New York, si Ronald Hicks, ang bag-ong napiling Archbishop, sa cathedral ug giila siya nga angay nga kapuli.
Photo Courtesy to: Catholic Review
