Usa ka lalaki nga nagpailang propeta nga ginganlan og Ebo Noah ang nakakuha og internasyonal nga atensyon human niya ipadayag nga matod pa nga giwarningan siya sa Diyos bahin sa usa ka umaabot nga global flood nga gilauman magsugod sa Disyembre 25, 2025 ug molungtad og pipila ka tuig.
Sumala kang Noah, sugod pa sa unang bahin sa tuig nagsugod na siya sa pagpangandam alang sa maong hitabo. Giingon niya nga nakahimo na siya og walo ka arka nga gilaraw aron magluwas og mga kinabuhi kung matuman ang iyang gipahayag nga propesiya.
Misikat sa social media ang iyang mga video nga nagpakita sa pag-construct sa mga arka ug sa iyang mga pahimangno, nga nakaangkon og milyon-milyong views. Tungod niini, misugod ang halapad nga diskusyon tali sa mga mutuo ug sa mga nagduda sa iyang mga pahayag.
Bisan pa niana, namahayag ang mga meteorologist ug disaster specialists nga walay kasamtangang datos o siyentipikong panukiduki nga nagpakita nga posible ang usa ka global flood nga motabon sa tibuok kalibutan. Ilang gi-awhag ang publiko nga magpabiling kalmado ug mosalig lamang sa verified ug kasaligan nga siyentipikong impormasyon aron malikayan ang kalisang ug misinformation.
via: KNOWLEDGE FACTORY
