Nakab-ot sa lungsod sa Quezon ang usa ka makasaysayanong kadaugan human opisyal kini gideklarar nga Insurgency-Free kagahapon Disyembre 19, 2025 kansang nagtimaan sa pipila ka tuig nga padayon ug hiniusang pakigbisog batok sa insurhensiya sa komunidad.
Kini nga kalampusan resulta sa lig-on nga panaghiusa tali sa lungsod, Armed Forces of the Philippines (AFP), Philippine National Police (PNP), Department of the Interior and Local Government (DILG), ug sa mga residente. Isip simbolo sa baruganan sa kalinaw, opisyal usab nga gisalikway ang insurhensiya pinaagi sa ceremonial signing nga nagdeklara sa CPP-NPA isip Persona Non-Grata.
Gibalik-lantaw ni Mayor Pablo “Poling” Lorenzo III ang mga kalisod ug kahadlok nga gidala sa insurhensiya kaniadto sa lungsod. Karon, iyang gipadayag ang dakong kalipay ug garbo sa pagkab-ot sa kalinaw, ilabina sa pagbalik sa Friends Rescued (FRs) sa gobyerno ug sa paghatag kanila og bag-ong kahigayunan alang sa pag-uswag sa ilang panginabuhi.
Matod pa, ang deklarasyon sa pagka-insurgency-free gihimo uban ang klarong mga kondisyon nga gisuportahan sa AFP, lakip na ang padayon nga presensiya sa kasundaluhan aron masiguro ang kalig-on sa kalinaw
Gipalig-on kini ni BGEN Christopher M. Diaz, commander sa 1003rd Brigade PA, kinsa miingon nga dili biyaan sa Philippine Army ang lungsod ug magpadayon ang ilang trabaho bisan pa sa deklarasyon sa insurgency-free status.
via: LGU Quezon Bukidnon
