Gihingusgan sa usa ka sikat nga streamer nga si Darren Jason Watkins Jr., nga mas naila nga IShowSpeed ang usa ka viral nga humanoid robot nga nailhan isip “Jake the Rizzbot” nga miatake kaniya.
Base sa mga video nga mikatag sa social media, makita ang streamer isog nga giatubang sa robot una pa kini gisuntok, gituok sa siko, ug gitukmod paingon sa usa ka sofa, nga miresulta sa grabe nga kadaot sa robot.
Tungod niini, nagpasaka na og $1 million nga penalty ang kompanyang Social Robotics, ang naghimo sa robot, nga nag-angkon nga permanente nga nadaot ang ilang produkto nga wala nila tugoti.
Sumala sa reklamo, napugos ang kompanya sa pagkansela sa dagkong giplanong appearances sa robot, lakip na ang usa ka kolaborasyon uban kang MrBeast ug usa ka segment sa CBS NFL show.
Gikumpirma sa kapulisan nga nadaot ang robot nga walay implied consent gikan sa tag-iya, ug ang tibuok insidente narekord ug napasundayag mismo sa live stream.
Photo Courtesy to:Abijita Foundation
